ચકલી ઊડે ચરરર

ચકલી ઊડે ચરરર.ચરરર

ગીત ગાતી જાય બેચાર !

ચકલી તો ન ચારો ખાય,

ચકો ચકી ખીચડી ખાય !

ચકલી ઊડે ચરર..ચરરર

ચકી ચકાનો માળો મજાનો,

ભર્યો ભર્યો સુખનો ખજાનો !

ચકલી ઊડે ચરરર.....ચરરર

ચકી સાંજ ટાણે રાહ જુએ,

ચકા કાજે નિત શૃંગાર સજે !

ચકલી ઊડે ચરરર ......ચરરર

ચકી ચકો ચાંચમાં ચાંચ પરોવે,

પછી નેહથી નેનથી નેન લડાવે !

ચકલી ઊડે ચરરર........ચરરર

ચકી ચકાનો પ્રેમ ન એક દિનનો,

ચકી ચકાનો પ્રેમ જિંદગીભરનો !

ચકલી ઊડે ચરરર.........ચરરર

ચકી ગીત ગાયે ચકાને મનગમતું,

ચકો ગીત ગાયે ચકીને મનગમતું !

ચકલી ઊડે ચરરર......... ચરરર.

નિરખો નિરાંતે જીવન ચકીચકાનું

કાન્તાસુત પામીશ સાર સંસારનું !