ક્યાં ખોવાઈ ગઈ તું
ક્યાં ખોવાઈ ગઈ તું
ક્યાં ખોવાઈ ગઈ તું હમણાં હમણાં,
નિશામાં પણ ન આવે તારા શમણાં !
સૂરજ ઉગે ન ઉગે, તું નિત રે ઉગતી,
પ્રેમ પ્રકાશ મુજ જીવને રે પાથરતી !
ઉષા અજવાળે બની ઠની દર્શન દેતી,
મન મારુ તુજ મૂરતમાં મોહિત કરતી !
કોયલ ચહેકે એ પહેલાં તું ચહેકતી ને
મુજ ઉર ઉપવને મીઠો કલશોર કરતી !
આજ નહીં તો કાલ આવશે દિલરાણી,
એ આશાએ ખુલ્લી રાખી છે ઉરબારી !
ઝંખે તુને જોવા હૃદય બિચારુ વિરહી,
કાન્તાસુત નેન ઝંખે દર્શન કાજે હે ! ગોરી !
ક્યાં ખોવાઈ ગઈ તું હમણાં હમણાં,
નિશામાં પણ ન આવે તારા શમણાં !