પ્રિયતમ સંગાથ
પ્રિયતમ સંગાથ
વાદળાઓ આભમાંથી એવા અજબ ચઢીને આવ્યાં,
નક્કી ઝરમર વરસાદ પડવાના એંધાણ લાવ્યાં !
સૂની સૂની ધરતીમાં આજ આનંદના ફુવારા ફૂટ્યાં,
બીજના અંકુરિત થવાના સપનાંઓ સાકાર લાગ્યાં !
ઘનઘોર વાદળિયાં મહીં વીજળીના કડાકા ભળ્યાં,
મનની ભીતર સોનેરી યાદોનાં અરમાનો મળ્યાં !
નવપલ્લવિત સૃષ્ટિ તણાં અદ્ભૂત નજારા ખીલ્યાં,
માટી મહેક દિલમાં વસાવવાના દિવાના જડ્યાં !
મુજ હૈયામાં વર્ષોનાં વિયોગના બંધ દ્વારો ખુલ્યાં,
પ્રિયતમ સંગાથ મિલનની તડપનાં અણસાર ફળ્યાં !