યાદ છે તમને

વરસાદ માં થયું હતું મિલન, યાદ છે તમને ?

મળ્યા હતા આપણા નયન, યાદ છે તમને ?

જીવીશું સાથે ને મરીશું પણ આપણે સાથે જ,

આપ્યા હતા એકબીજા ને વચન, યાદ છે તમને ?

પુસ્તકો તો ઘણાય વાંચે છે, વાંચવા ખાતર જ તો,

પણ તમે વાંચ્યું હતું મારુ મન, યાદ છે તમને ?

છુટા પડવાની ક્ષણે આંખો ભીની હતી બંનેની,

કેટલું કર્યું હતું બંને એ રુદન, યાદ છે તમને ?

વિયોગની વાત જ આપણને હચમચાવી નાખતી હતી,

નામે કર્યું હતું "સંગત" બંને એ જીવન, યાદ છે તમને ?