શિવ શિવ
શિવ શિવ
શિવ ! શિવ તું જ જગત તારણહાર,
શિવ ! શિવ ! તું એક જ જગદિશ્વર !
જીવને એક જ તારો બસ આધાર,
હર સંકટઘડી કરતો તું કૃપા અપાર !
શિવ ! શિવ તું જ જગત તારણહાર.....
તું લાવ્યો ગંગાને શિર પર ધરી ગંગાધર,
તું જ ગળામાં નાગ ધરી થયો રે ફણીધર !
શિવ ! શિવ તું જ જગત તારણહાર......
છું એટલે તું મહાદેવ ! કામ છે તારાં છે મહા,
જગ કાજે એક તું જ પી શકે વિષ વિષધર !
શિવ શિવ તું જ જગત તારણહાર...........
કાન્તાસુતની માઁ નો તું માનીતો હતો મહેશ્વર,
માઁ વતી કરું છું વંદન આજ ઓ ભોળા શંકર !
શિવ ! શિવ તું જ જગત તારણહાર,
શિવ ! શિવ તું એક જ જગદીશ્વર ! !