સૂની લાગે આંગણવાડી
સૂની લાગે આંગણવાડી
બાળ વગર સૂની સૂની લાગે આંગણવાડી,
બહુ થયું હવે ખમૈયા કરો ને હે ! વનમાળી !
આવકારો આપવા સજ્જ છે સર્વ ગુરુગણ
બાળ ક્યારે આવશે ? ઊભા લૈ હાથમાં તોરણ !
બાળ વગર સૂની સૂની લાગે આંગણવાડી....
ગણિત સાહેબ ગણી થાક્યાં કોરાનાનું ગણિત,
કરે સંતાપ હવે હું કોને શીખવું જીવનનું ગણિત !
બાળ વગર સૂની સૂની લાગે આંગણવાડી..............
ગુજરાતી શિક્ષક થયા બાળ વગર રાતા પીળા,
બાળ વગર કને પાસે ગવડાવું ગીત જળકમળ !
બાળ વગર સૂની સૂની લાગે આંગણવાડી.............
પી. ટી સાહેબની સીટી પણ થઈ ગઈ સૂની સૂની,
ને રમતમેદાન પણ હીજરાય વગર બાળ તોફાની !
બાળ વગર સૂની સૂની લાગે આંગણવાડી.........
મેદાનમધ્યે ઊભો પી.ટી સાહેબ ભૂતકાળે ગયો સરી,
કાન્તાસુતને આજેય સંભળાય બાળકોની કિલકારી !
બાળ વગર સૂની સૂની લાગે આંગણવાડી,
બહુ થયું હવે ખમૈયા કરો ને હે ! વનમાળી !