છૂટકો જ નથી

કરી લે હજારો સિતમ તું મુજ પર,

ઝુલ્મનું બંધારણ તું સમજતો નથી, 

દિલથી ચાહું છું તુજને વાલમ, મારો

પ્રેમ સ્વિકાર્યો વિના છૂટકો જ નથી...

તે પ્રેમની દિવાની બનાવી છે મુજને, 

ભલે નજર મેળવવા તું તૈયાર નથી,

દિલમાં મેં વસાવ્યો છે વાલમ, મારા

દિલમાં ઝાંખ્યા વિના છૂટકો જ નથી..

ભલે તારો પ્રેમ મળે કે ન મળે મુજને,

તને કદી પણ ભૂલવા હું તૈયાર નથી,

પ્રેમમાં તડપવા તૈયાર છું વાલમ, મારી

તડપ મિટાવ્યા વિના છૂટકો જ નથી..

મિલન માટે ન તરસાવીશ તું મુજને, 

મારી તરસ છોડવા કદી હું તૈયાર નથી,

"મુરલી" સદાય તારી છે વાલમ, મુજને

દિલથી અપાવ્યા વિના છૂટકો જ નથી.