છોરું કછોરું
છોરું કછોરું
અમારો છે એકનો એક લાડકવાયો,
અમને હમેશા માટે એ તંગ કરનારો,
અમારી આંખમાં આંસુ વહાવનારો,
છોરું કછોરું છે છતાં પણ અમારો.
રોજ રાતનાં રખડી મોડો આવનારો,
રોજ સવારે પણ એ મોડો ઉઠનારો,
નિશાળમાંથી પણ ફરીયાદ લાવનારો,
છોરું કછોરું છે છતાં પણ અમારો.
મવાલીની જેમ એ કાયમ રહેનારો,
શેરીઓમાં રોજ માર પીટ કરનારો,
શરમથી અમારૂં માથુ નીચું કરનારો,
છોરું કછોરું છે છતાં પણ અમારો.
અમારી શિખામણ નહીં સમજનારો,
વાત વાતમાં એ અવળો ચાલનારો,
અમારી આંખનો છે તારો "મુરલી",
છોરું કછોરું છે છતાં પણ અમારો.