ચાંદલિયો રંગીન

કાળા કાળા વાદળાને અંધારી રાતમાં

ટમટમ કરતાં તારલાની સાથમાં

ચાંદલિયો રંગીન ઊગ્યો, ચાલો જોવાને જઈએ...!

ઝગમગ રોશનીને આકાશ ઝળહળે

ચાંદાને મળવા ધરા દોડે ઉતાવળે

ચાંદલિયો રંગીન ઊગ્યો, ચાલો જોવાને જઈએ...!

ચાંદનીનો સાથ છે, શીતળતા અપાર છે

ચાંદનીને માણવા મનખો હજાર છે

ચાંદલિયો રંગીન ઊગ્યો, ચાલો જોવાને જઈએ...!

ચાચરના ચોકમાં માડી ગરબે રમે

ચાંદલિયો જોવાને આભે નીકળે

ચાંદલિયો રંગીન ઊગ્યો, ચાલો જોવાને જઈએ...!