ચાલ ને આ અવતાર ને સાર્થક કરીએ
ચાલ ને આ અવતાર ને સાર્થક કરીએ
ચાલ ને ઉગીએ
કોઈના આંગણમાં લીમડો બની
ભલે હોય કડવો પણ મીઠી છાયા હશે
ગીત ગાતાં પંખી ઑ હશે
હિચકતા બાળકો હશે
લોરી ગાતી માતા હશે
આ કુંડાનો નાનો છોડ બનીને શું કરવું ?
ચાલ ને વટવૃક્ષ વડલો બની જઇએ
વડવાઈ પર બાળકો ઝુલશે
પ્રાણી ઓ છાયડે બેસી વાગોળશે
વટેમાર્ગુ પણ અહી આરામ કરશે
પંખીઓ માળા બાંધશે, કિલ્લોલ કરશે
જાણે સંગીત સભા ભરશે
ચાલ ને આ મિઠો આંબો બની જઇએ
બાળકની સંતાકૂકડીનું સ્થાન બની જઇએ
આંબો મહોરે ને કોયલ ગીત ગાશે
વસંતના વધામણા લઈને એ આવશે
ચાલને મીઠી કેરી નું લોકો ને દાન કરીએ
ચાલ ને વટ વૃક્ષ થઈ આ વરસાદ ને નોતરિએ
કુંડાના છોડ થઈ ને શું કરવું ?
ચાલ ને વટ વૃક્ષ બનીએ
મળ્યો છે મનખા અવતાર
તો કંઇક સાર્થક કરીએ
ચાલ ને જીવનમાં લોકોને
કઈક ઉપયોગી થાઈએ
ચાલ ને ઉગીએ
કોઈના આંગણમાં લીમડો બની