ભૂલાયેલ પ્રેમ

આજે એને જોતા તાજો થયો એ ભૂલાયેલ પ્રેમ ! 

હું ભૂલ્યો હતો કે, એ ભૂલી હતી ? 

બંનેના મનમાં ચાાલતો આ વ્યાકુળ પ્રશ્ન ! 

મેં જ એને જોઈ ન હતી કે

નજર એની મારા પર ઠરી હતી

એ આજનો પ્રશ્ન !

અહીંથી એનું પસાર થવું, 

અને મારૂં અહીં આવવું, 

એ સંજોગો કે પછી પ્રશ્નોના જવાબ !

યાદો બનાવા જીવનની અમે અહીં આવતા, 

ને આજે ખરેખર યાદો બનીને એ મને મળી. 

વિચાર્યુ હતું એ મળશે જવાબ, જ્યારે એ મળશે, 

પરંતુ વધારે ગૂચવાયા સવાલો અહીંયા !

શીર્ષક આપ્યું છે 'ભૂલાયેલ પ્રેમ'

શું ખરેખર ભૂલાયેલ હોત

તો લખી શકત આ કવિતા!! 

પૂછી રહ્યો છે "જાની" આજે તને

શું ભૂલાયો હતો આ પ્રેમ ક્યારેય ?