ભોગ ધરાવો શાને

છે ભણવાની ઉંમર મારી, વેઠ કરાવો શાને ?

નિરક્ષર રાખી કાયમ મુને રોજ રડાવો શાને ?

બચપણ મારું ખૂટીને ખરતું, સપનાં જાય મરી,

બાળમજૂર બનાવી દઇ ને રોજ મરાવો શાને ?

બાળ મજૂરો એઠું જુઠું ખાઇ ને પેટ ભરે,

ભગવાન નથી ભૂખ્યો તોયે ભોગ ધરાવો શાને ?

શ્રેષ્ઠીજન તો વાતો કરતાં કાયમ મોટી મોટી,

એક નથી પડતી સાચી ને તોય રડાવો શાને ?

આખા જગનાં બાળકના તો, ગ્યાં છે ચેન ખરી ભાઈ !

બચપણ એનું કરમાવી 'શ્રી' રોજ દળાવો શાને ?