બાલુડા

અમે બાલુડા પ્યારા આંભેથી ઊતરી આવ્યા,

પ્રભુ તણી પ્રસાદી અમે ન્યારા આ ધરામાં આવ્યા !

કદીક અમે સપનામાં ઘૂમવાને દોડી જતા,

કદીક અમે વનવગડામાં આમતેમ ખૂંદી વળતા !

પરીઓ સંગાથ અમે વાત નવી મજાની કરતા,

સૂરજદાદાની સંગાથે પકડા પકડી જુઓ કરતા !

તારલા તો અમને ચકચકતા આભે લઈ ભમતા,

વાયદાના દેશમાં અમે તો ડોલતા ડોલતા ફરતા !

દાદા દાદીના દુલારા અમે આંખોના તારા બનતા,

અમે બાલુડા મોટા થઈ દેશના નવા સપના ઘડતા !