આ રમતો મને વ્હાલી વ્હાલી...

આંબલી પીપળી ને ગીલ્લી દંડી

એ તો મારી બાળપણની મુડી

આ રમતો મને વ્હાલી વ્હાલી.

ખેચમખેચ ને એકબીજાથી દોડાદોડી

એથી વધુ ગમતી બાળપણની હોડી

આ રમતો મને વ્હાલી વ્હાલી.

નદી પર્વતને કોઇ ખો ખો કબડ્ડી

સાથે રમાતી એક પગની લંગડી

આ રમતો મને વ્હાલી વ્હાલી.

ધુળમાં રમવું ને પાંચીકા રમત

એ તો મને ગમતું જાણે જગત

આ રમતો મને વ્હાલી વ્હાલી.

રમતો થકી જીવન બને કસીલુ

રમતો વિના જીવન જ અધુરું

આ રમતો મને વ્હાલી વ્હાલી.