આનંદે રમતી ચકલી

ચકીબેન ચીં ચીં કરતાં કહે..

ચકલીનો તે થોડો એક દિવસ હોય ?

અમારો તો હરેક દિવસ મારો જ હોય 

ઘરમાં બેસી કરતી રોજ ચીં ચીં 

દાણાં ચણતી આનંદે રમતી,

અમારે તો સદાય ખિલખિલાટ હોય 

ચકલીનો તે થોડો એક દિવસ હોય ?

  ઈંડા મૂકી સેવતા ચકલી બાળ 

  દાણાં ચણીને રોજ ખવડાવતા હોય 

માયાળુ માનવી ભાળી, પ્રેમથી રમતાં હોય.

 ચકીબેન ચીં ચીં કરતાં કહે 

  ચકલીનો તે થોડો એક દિવસ હોય ?

 પાંખો ફૂટે તો ઊડતાં શીખવીને અમે 

બાળ ને છૂટા ફરવા મૂકતાં હોય 

બિલ્લીને સાપ જેવાં દુશ્મનોથી ડર હોય,

ચકીબેન ચીં ચીં કરતાં કહે 

ચકલીનો તે થોડો એક દિવસ હોય ?

ચકલીને ભાવે ચોખાનો દાણો.. 

વાત સહુ અમારી જ કહેતાં હોય 

  લોક હૃદયમાં સદા છે વાસ અમારો. 

ચકલીનો તે થોડો એક દિવસ હોય ?

ચકીબેન ચીં ચીં કરતાં કહે.. 

'રાજ' માળો લટક્યો જે ઘરમાં ચકીનો 

 ઘરમાં એ સદાય સહુ ખીલખીલાટ હોય.