મા’રે સ્કૂલે જાવું છે

મા'રે સ્કૂલે જાવું છે, મા'રે સ્કૂલે જાવું છે;

મિત્રો સાથે હળી-મળીને રમવા જાવું છે,

મા'રે સ્કૂલે જાવું છે, મા'રે સ્કૂલે જાવું છે

મિત્રો સાથે મોજ કરવા, સાથે બેસી નાસ્તો કરવા;

એક બીજાના ડબ્બામાંથી બ્રેકફાસ્ટની લિજ્જત લેવા,

ભોજનાલયમાં સાથે બેસી, જમવા જાવું છે,

મા'રે સ્કૂલે જાવું છે, મા'રે સ્કૂલે જાવું છે 

કોઈ દિવસના ઝગડો કરતાં, એક-બીજાને પ્રેમ કરતાં;

સ્કૂલ બસમાં પાછળ બેસી, દિવસભરની વાતો કરતાં,

મિત્રો સાથે સ્ટેયબેક કરી હોમવર્ક કરવું છે,

મા'રે સ્કૂલે જાવું છે, મા'રે સ્કૂલે જાવું છે

ટીચર કોઈ દિ'ના ખીજવતા, અમને જોઈને હરખાતાં;

કલાસરૂમમાં ભણતર સાથે, જીવનનું પણ ઘડતર કરતાં,

સૌને વ્હાલા ટીચર પાસે, ભણવા જાવું છે,

મા'રે સ્કૂલે જાવું છે, મા'રે સ્કૂલે જાવું છે.