આ અંતરિક્ષમાં નાનાં નાનાં તારા

જોને પેલા આકાશે ચાંદ તારા શોભે

એના થકી વિશાળ ગગન આજે ચમકે

આ અંતરિક્ષમાં નાનાં નાનાં તારા રમે...!

ચાંદામામાની સંગે ઊંચા ગગનમાં ફરે

ધરતી પર ઝબકારા કરી સૌને રીઝવે

આ અંતરિક્ષમાં નાનાં નાનાં તારા રમે...!

ટમ ટમ કરતા લાગે સૌને એ વ્હાલા

નાનાં નાનાં જાણે ફૂલ એ આકાશના

આ અંતરિક્ષમાં નાનાં નાનાં તારા રમે...!

સપ્તર્ષિ ને શર્મિષ્ઠા જેવા આકાર બને

વિશાળ ગગને નવી ભાતથી એ ટમકે

આ અંતરિક્ષમાં નાનાં નાનાં તારા રમે...!

રાત પડે ને આકાશમાં એ સોહે

નાનાં મોટાં સૌને એ ખૂબ ગમે

આ અંતરિક્ષમાં નાનાં નાનાં તારા રમે...!

ચાંદામામા સંગ આકાશમાં ફરે

સૌના દિલમાં આનંદ મહેકી ઊઠે

આ અંતરિક્ષમાં નાનાં નાનાં તારા રમે...!