વિકાસ

માણસમાં માનવીય ગુણોનો વિકાસ થાય તો સારું,

સ્વાર્થને પોષવાની વૃતિ સૌના મનમાંથી જાય તો સારું.

બંગલા ગાડીને ધન-દોલતની આ આંધળી દોટ છે,

એકબીજાના દુ:ખ નિવારવા પ્રેમનો સેતુ રચાય તો સારું.

રાવણ દહન કરવાથી ક્યાં મરે છે હજુ આ રાવણવૃતિ,

સમાજમાં વિકૃતી ફેલાવતા દાનવો હણાય તો સારું.

વિકાસના નામે પતન તરફ ધકેલાયો છે આ માનવી,

સમજીને પાછો વળેને, અર્થ સાચો સમજાય તો સારું.

પર્યાવરણ અને પ્રકૃતિને બચાવી, દેશનો વિકાસ કરીએ.

ભાઈચારો અને જન કલ્યાણના પાઠ ભણાય તો સારું.