કોને કહું ?
કોને કહું ?
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
હે કૃપાનિધાન તારા સુધી મારો સાદ કોણ પહોંચાડે ?
કોને કહું, તારા સુધી મારી અરજી કોણ પહોંચાડે ?
પક્ષીઓ આકાશે ઉઙતા ઉઙતા મારો સંદેશો લઇ જાય,
પણ પાંખ કપાવવાના ઙરથી એ પણ મનમા મુંઝાય,
કોને કહું, તારા સુધી મારી અરજી કોણ પહોંચાડે ?
વૃક્ષો લહેરાતા લહેરાતા મારી વાત તને સંભળાવે,
પણ પાનખર આવતાની સાથે વૃક્ષો પણ મુરઝાય,
કોને કહું, તારા સુધી મારી અરજી કોણ પહોંચાડે ?
મંદિરનો ઘંટનાદ સદા તને જગાડતો,
પણ મંદિરમાં હવે આરતી, શૃંગાર, રાજભોગ
એમ કટકે કટકે તારા દર્શન થાય,
કોને કહું, તારા સુધી મારી અરજી કોણ પહોંચાડે ?
ખળખળ વહેતું ઝરણું હોય તો મારો અંતરનાદ
તારા સુધી લઈ આવે,
પણ દિવસે દિવસે સુકાતી ધરતી પર કોણ મારી
તરસ છુપાવે ?
કોને કહું, તારા સુધી મારી અરજી કોણ પહોંચાડે ?
હૈ કૃપાસિંધુ હવે એકજ મારગ મને દેખાય,
મારા સારા કર્મ થકી જ હવે તારા સુધી પહોંચાય.