સ્વીકાર કરજે

ફૂલોનો હાર ન આપી શકુ તો,

મારા પ્રેમરૂપી પુષ્પ પાંખડી,

ને સ્વિકાર કરજે,

હે જગતના નાથ તુ બેડો પાર કરજે.

મુજથી રહી જાય જો કોઇ કાર્ય અપૂર્ણ,

તો સમયસર આવી ને,

તું જ કરજે તેને સંપૂર્ણ કરજે

હે જગતના નાથ તુ બેડો પાર કરજે.

અનિશ્ચિતતાઓથી ભરેલી,

આ જીવન ઘટમાળ છે,

તેમા મારા માટે સોનેરી માર્ગ,

તું જ નિશ્ચિત કરજે,

હે જગત ના નાથ તુ બેડો પાર કરજે.

સંકટોના વાદળો ઘેરાય,

ઘણા મારા કર્મપથ પર ,

તો તું જ બની વરસાદ,

વાદળોનો ભાર હળવો કરજે,

હે જગતના નાથ તુ બેડો પાર કરજે.

સામે ઉઠે હથિયાર જો દુશ્મન તણા,

બસ, તુ બનીને કવચ-ઢાલ,

મારી રક્ષા દરેક પળે કરજે,

હે જગતના નાથ તુ બેડો પાર કરજે.

સંકલ્પો હું કરું ઘણા, રહીને આ સંસારમાં,

સૌ સંકલ્પો થાય પુરા તેનું ધ્યાન રાખજે,

હે જગતના નાથ તુ બેડો પાર કરજે.