અઝાન અને ભજન
અઝાન અને ભજન
અઝાન અને ભજન બંને એકમેક હતા,
ત્યારે સુરજ અને સુલેમાન એક હતા.
માટીના ઘર અને રાજાનો મહેલ બનતા,
માટી એક જ અને એક જ મહેક હતા.
દિવાળી કે રમઝાન, ઈદ અને ઉતરાણ,
લોહીના એક જ રંગે રંગાયેલા દરેક હતા.
'ને એક ધમાકો થયો ભર બજારમાં એક દિ',
હોળીના રંગો લોહીના રંગે છેક છેક હતા.
સલમાન પણ અધૂરો ને સુરજ પણ અધૂરો,
કાળા બળેલા 'ને વેરવિખેર હાથ અનેક હતા.
ઢગલો હતો ત્યાં તૂટેલી લાશના ટુકડાનો 'કલ્પ',
કોઈ અહીં કોઈ તહીં, કોઈ બળતા કશેક હતા.