હજી હું ઝરું છું

જો હું તને કેટલો સરસ પ્રેમ કરું છું,

મારા સ્મરણોમાં પણ તુને જ સ્મરું છું. 

દેખાય બીજી ફટાકડી ગમી જાય એવી,

એ વાત કરું તને જ 'ને પછી ડરું છું.

ખબર હોય કે સાવ ખોટું તું રિસાણી છે,

તોય મનાવવા તને હું પળેપળ મરું છું. 

છે છૂટ બધી એકબીજાથી આપણને,

વિશ્વાસથી તોય શ્વાસમાં તને જ ભરું છું.

વર્ષો થયા આમ અન્યોન્યમાં જીવતા,

તારી આંખ ભીંજાય તો આજે પણ ખરું છું.

સંબંધમાં ગરમાટો છે હજુ એવો જ 'કલ્પ'

તું સહેજ નજર નાખે તો હજી હું ઝરું છું.