ભીંજાયું મન, આંગણે આ રાહનો વરસાદ

ભીંજાયું મન, આંગણે આ રાહનો વરસાદ છે

ભીની આંખો, પાંપણે આ પ્યારનો વરસાદ છે,

પ્રેમની ખાતાવહીમાં, પેનથી લખતો રહું

શબ્દ ભીના કાગળે, આ શબ્દનો વરસાદ છે,

શું થયું ? મોસમ ભ્રમરની, બાગમાં જામી નથી

તનબદનનાં તાપણે, આ સળગતો વરસાદ છે,

છલકે છે ભાગીરથી, બંધોને સરવર ને નાળા

બંધ બારી બારણે, આ ટપકતો વરસાદ છે,

બાળકો બચપણભર્યા, દૂરથી તેને જોયા કરું

ઘરડું તન ને છાપરે, આ યાદનો વરસાદ છે.