બેટી

બની બેટી હું આવી મા - બાપના જીવનમાં,

બની વહુ જઈશ હું કાલે પારકે આંગણે.

કેમ બનાવી એ રાત ભગવાને,

આજ નહી તો કાલ બની હું પરાઈ.

જેને શીખવાડી મને પા પા પગલી,

તેને જ કરી મારી વિદાઈ.

કરી પાળી પોષી જેણે મોટી મને,

કરી વિદાઈ એ જ હાથેથી મારી.

નાજુક છે દિલ મારું, હતી હું નાદાન ત્યાં જ,

કરી દીધી પરાઈ, થશે કેમ સહન ?

નથી થતી સહન તે વિયોગવેળા,

છતાં.... કઠણ કાળજે થઈ જતી પરાઈ.

આટલો અટપટો સંબંધ કેમ છે મારો ?

શું આ જ નસીબ છે એક બેટીનું !