બેઠી છું

આંખોમાં ખુશીનું મહાસાગર લઈ બેઠી છું,

તમને પોંખવા તાજા ફૂલહાર લઈ બેઠી છું,

મને ખબર છે ! તમે દીવાના છો સાદગીના,

છતાં આજે સોળ શણગાર સજી બેઠી છું,

મળશું બંને વર્ષોના વિરહની વેદનાઓ પછી,

માટે તૃપ્ત કરવા પ્રેમનો કંસાર લઈ બેઠી છું,

અરે ! તને જોવા તાલાવેલી લાગી છે હૈયે,

ઉરે લાખો કલ્પનાઓના ઘોડાપુર લઈ બેઠી છું,

'ઈશા' ખુશીમાં નાચીશ આજે શીખંડી બની,

કેમકે વર્ષોથી તારા પ્રેમમાં તડીપાર થઈ બેઠી છું.