અવર્ણનીય માતૃત્વ

અવર્ણનીય છે માતૃત્વની પ્રતીતિ,

સંપૂર્ણ સ્ત્રીત્વની એ અનુભૂતિ,

નવનવ માસની એ લાંબી દડમઝલ,

ન થાકે છતાં એ આ મમતાનાં પથથી,

મુખ પર રહે સ્વર્ગસુખ સમો આનંદ,

અકથનીય ભોગવે એ પીડા પ્રસુતિ,

પીડાઓ સઘળીજ વિસરાઈ જાતી,

સ્પર્શે પ્રથમ જ્યાંરે એ સ્વસંતતિ,

ન્યોછાવર કરતી આખુંય આયખું,

મમતાની છોળો એની છાતીએથી ફૂટતી,

રોમેરોમે વહે એના, કેવો પ્રેમધોધ,

આત્મજને એ ભાવજળથી ભીંજવતી,

અલાબલા સઘળી દૂરે ટળી જાતી,

ક્ષણેક્ષણે એ નીજ શિશુ ઓવારતી,

 વામણી ભાસે શબ્દકોષની કૃતિઓ,

રહેશે અવર્ણનીય માતૃત્વની અનુભૂતિ.