નારીનો રવિવાર.

સોમવાર ઉગે કે રવિવાર થાય,

મારે તો હોય બસ કામની જ લાહ્ય.

આ તે કેવી સજા ન મળે એકેય રજા !

સરકારને પૂછું, આવું કેમ ને વાહ્ય ?

સ્ત્રીને ચોકો જાણે જનમ જનમનો સંબંધ,

 કરો એનું વિશ્લેષણ, શોધો કોઈ તો ઉપાય !

કદીક તો હે પ્રભુ ! ઉગે એવો રવિવાર,

મને હાથમાં આપે કોઈ વરાળ નીકળતી ચાય.

ઉપમા સંગ "અનુપમા" મજેથી હું માણું,

કોઈ ન કહે બંધ કરો આ, થઈ ગઇ છે ઘાઈ.

તોય રવિવાર, એ તો પ્રિય વાર ગણાય,

રવિવારે જ તો સંબંધો ફરી રિચાર્જ થાય.

સહિયારું ભોજન ને સહિયારી ગોઠડીઓ,

રવિવારે ઘર તો ધરતીનું સ્વર્ગ જણાય.