અમીછાંટણા

આજે વહેલી પરોઢે,

સૂર્યદેવનાં ઉદય ટાણે,

હું તો, આંખો ચોળતા

બહાર આવી,

જોયું તો,

વરસાદ ધીમી ધારે વરસી

રહ્યો હતો,

માટીની ભીની-ભીની ખુશ્બુ,

મનને તરબતર કરી રહી હતી,

વરસાદનાં અમીછાંટણા,

પુષ્પો અને પર્ણો પર,

કાચની માફક, ચમકી રહયાં હતાં,

એ આહ્લલાદક દ્રશ્ય,

જોતાં હૈયે હરખ ના સમાણો,

આમ જ, આજે-

સૂર્યદેવનાં ઉદય ટાણે,

ધરા પર લહેરાતાં-

લીલાંછમ તૃણ જોઈ,

રંગબેરંગી ફૂલો મલકાતાં જોઈ,

ગુંજન કરતો ભમરો જોઈ,

કિલ્લોલ કરતાં પક્ષી જોઈ,

વૃક્ષોને હરખે લહેરાતાં જોઈ,

ને તરબતર ધરા જોઈ,

હૈયું થયું તું તૃપ્ત. !!