સ્વપ્નમાં રાચે
સ્વપ્નમાં રાચે
રહી પથારીમાં સ્વપ્નમાં જો રાચે માણસ,
જમીન પર રહી આકાશનાં સ્વપ્ન જુએ માણસ.
આખો દિવસ ધાંધલ-ધમાલમાં વિતાવે માણસ,
રાત પડ્યે શાંતિના જીવનની ઈચ્છા કરે માણસ.
પૂરી ન થાય એટલી ઈચ્છાઓ કરે માણસ,
રાત પડ્યે ખ્વાહિશોના બોજથી થાકે માણસ.
સપ્તરંગી દુનિયામાં જેનું ચક્ર ફરે એ માણસ,
આંખ બંધ કરી બસ અંધકાર ઈચ્છે માણસ.
હજારો વસ્તુને આસપાસ સજાવે માણસ,
ને રાત પડ્યે એ સૌથી ભાગે માણસ.