સમજણનાં અભાવે

ગણતરીના સમીકરણો જ્યારે રચાતાં જાય છે,

સંબંધો ત્યારે સ્વાર્થની એરણે ચડતાં જાય છે.

તુલનાનો તંતુ સળવળે પરિવારમાં અંદરોઅંદર,

સમજણનાં અભાવે કુટુંબો વિખેરાતાં જાય છે.

વાત વાતમાં ન કહેવાનું પણ કહેવાય જાય તો,

મનડાં પણ ત્યારે જ દર્દથી ઉભરાતાં જાય છે.

વહાલથી તરબોળ કર્યા સંબંધોને જીવનભર,

પોતાનાં કહેવાતાં સંબંધો ઠુકરાવતાં જાય છે.

દિલનાં બંધનોમાં સ્વાર્થ ને ઉપેક્ષા ભળી જાય,

ભીતર રહેલાં દિલનાં જખ્મો ઉલેચાતાં જાય છે.