આવી એવી દિવાળી આજે

અંધારી રાતને પણ ઉજળાવી નાખે, 

આવી એવી દિવાળી આજે,

બેરંગ દરવાજાની બા'ર, રંગબેરંગી રંગોળી પૂરાવે, 

સફાઈમાં મળેલી બંધ પેટીમાં સંતાડેલી યાદોને ફરી જગાવે, 

ચકરીની તીખાશ ને કાજુકતરીની મીઠાશનો સાર પૂરાવે, 

આવી એવી દિવાળી આજે,

નવા વર્ષની ઉત્સુકતાનો આભાસ કરાવે,

નવા લીધેલાં કપડાં ને પહેલી વાર પે'રવાનો આનંદ કરાવે, 

મિત્રોની વચ્ચે કોને કેટલી દિવાળી અને ચોકલેટ મળી એની હરીફાઈ કરાવે, 

આવી એવી દિવાળી આજે, 

બદલતા સમયમાં, બસ એક વાત નથી બદલાઈ એવી ખાત્રી છે મને, 

જે ઉમંગ હતો નાનપણમાં એવો જ ઉત્સાહ, દિવાળીનો મને છે આજે !