આંખ કોરી થઈ તારી

આંખ કોરી થઈ તારી, ઝરણાંને પૂછ તું

દોડતા થાકી ગયો, તો હરણાને પૂછ તું,

મુદ્દો રાજનીતિ, કે કોઈનાં ઘરનો મળે

ઢાંક્યું એ નહીં રહે કૈ, ગરણાંને પૂછ તું,

રાત દિવસ શોધતા રહ્યા, જે જિંદગીને

બાકી શું રહ્યું ? હવે, એ શમણાંને પૂછ તું,

ધમધમતા હતો, માનવ મહેરામણ

ના સાથિયો કે રંગોળી, આંગણાંને પૂછ તું,

વસંત ખીલી હતી, ચોમર મઘમઘતી

પાનખરને ન ગમ્યું, ઝાંખરાંને પૂછ તું,

હતા સંબંધો સારા, સન્માન મળતું ઘણું

થયું કેમ આવું આજે, આપણાંને પૂછ તું,

હતો એ જમાનો, ઠંડા પરબનાં પાણીનો

ઊભા છે ફ્રીઝ ત્યાં, વ્યથા માટલાંને પૂછ તું.