આલિંગન

સુખ દુઃખ સદા રહે વળગેલાં,

જીવન હૂંફનું આલિંગન માંગે,

સારા નરસા સૌ ભેદ ભૂલાવી,

ત્યજેલાં, પ્રેમ આલિંગન માંગે,

આશા તૃષા એ અમર પ્યાસ,

તરસ વારી નું ઈંગત તાકે,

વેર રાગથી ભરી આ દુનિયા,

સ્નેહભર્યું આલિંગન માંગે,

સુદામો આવ્યો લઘરવઘર દેહ,

દ્વારકાનાથ ના આલય દ્વારે,

વિસરેલ બાળપણની પ્રીત,

હાથ ફેલાવેલ આલિંગન માંગે,

પથ્થર થઈ ગૌતમની નારી,

અવર ના અધમ કૃત વાંકે,

મૌન બની રાહ એ જોતી,

પરમ રજ આલિંગન માંગે,

વીત્યાં વર્ષો વનવાસ વચનનાં,

નિજ સુત ના સુખ સ્વાર્થ કાજે,

ભરત હૃદયની વિરહ અગન,

રઘુવર રામનું આલિંગન માંગે.