આજે નથી
આજે નથી
જેવી હતી કાલે પ્રખર, એવી નજર આજે નથી,
કાલે હતા જે મૌન એ, ભોળા અધર આજે નથી,
પીધાં અમે પીણાં ઘણાં, પણ એમની આંખો તણાં,
જામ-એ-નજર પીધા પછી, મયમાં અસર આજે નથી,
સંસારના કંસારનો આસ્વાદ તો માણો ખરાં,
માન્યું ભલે એ ચાસણીથી તરબતર આજે નથી,
કે નોતરું એણે મને તો ક્યારનું આપ્યું હતું,
પણ જે વળે એના ઘરે એવી ડગર આજે નથી,
આજે કહે છે 'કાલ્પનિક' કે આજનો લ્હાવો મળે,
છે કાલની કોને ખબર, ઝંખી કદર આજે નથી.