આ સમય સરકી રહ્યો છે
આ સમય સરકી રહ્યો છે
રોકી ના શકાય સમય સરકી રહ્યો છે,
ક્ષણે ક્ષણનો ઉપયોગ કરવો છે મારે,
આ સમય સરકી રહ્યો છે,
કરું હું મહેનત એવી નિષ્ઠાથી,
જોઈ સૌ શીખે સમયના ક્ષણને,
આ સમય સરકી રહ્યો છે,
મોબાઇલને વોટસએપની દુનિયામાં,
અડગ મનથી કામ કરું હું એકચિત્તે,
આ સમય સરકી રહ્યો છે,
લક્ષ્ય ઉપર રાખી નજર કરું એક જ કામ,
ડૂબકી લગાવું એમાં ને પાર કરું હું સમુંદર,
આ સમય સરકી રહ્યો છે,
સફળતાની કેડીએ વાગે કાંટા હજાર,
એ કાંટાને પણ વીંધી મારે આગળ ચાલવું છે,
આ સમય સરકી રહ્યો છે,
ખંતને ખુમારીથી કરું હું સંઘર્ષ મારા કામમાં,
ઈશ પર રાખી ભરોસો મારે મહેનત કરવી છે,
આ સમય સરકી રહ્યો છે,
હારી માની નિરાશામાં ના બેસી રહું કદી,
અંતરમનને જગાડીને પણ આગળ ચાલવું છે,
આ સમય સરકી રહ્યો છે,
થાય સવાર ને રાત એની પણ ખબર નથી,
એવી જ નિષ્ઠાથી મારે સફળતા મેળવવી છે,
આ સમય સરકી રહ્યો છે.