આ કુદરત
આ કુદરત
છે વિકલ્પો ઘણા છતાં મુજને જ ચુને છે.
વાત છે દર્દ સહેવાની હવે,
આ કુદરત પછી ક્યાં કોઈને ય સુણે છે !
હજારો આવ્યા ને આવશે અવિરત આ જગે,
એક મારો જ મુકામ તેને ગમે છે.
આ કુદરત પછી ક્યાં કોઈને ય સુણે છે !
તફાવતો છે ઘણા મુજમાં, બીજામાં જાણે છે,
જો રોકવો જ હોય તો મને જ રોકે,
આ કુદરત પછી ક્યાં કોઈને ય સુણે છે !
જો મળે વ્યથા, પામે પછી આનંદ પણ સૌ અહીં,
દુઃખ તણો શિરપાવ જાણે મને જ અર્પે,
આ કુદરત પછી ક્યાં કોઈને ય સુણે છે !
કંઇક એવો જ સ્નેહ પામ્યો છું ' શૈલ ' જગતમાં,
રુદન કરું કે હાસ્ય, ભલે સમજી શકુ ના,
આ કુદરત પછી ક્યાં કોઈને ય સુણે છે !
છે વિકલ્પો ઘણા છતાં મુજને જ ચુને છે.
વાત છે દર્દ સહેવાની હવે,
આ કુદરત પછી ક્યાં કોઈને ય સુણે છે !