આ દરિયો

સૌના દિલનો રાજા આ દરિયો,

સરિતાનો ભરથાર આ દરિયો,

માછીમારનો તારણહાર આ દરિયો,

ઋણ કોઈનું ના રાખતો આ દરિયો,

ભોજનમાં મીઠું બની ભોજનને સ્વાદિષ્ટ બનાવતો આ દરિયો,

મેઘો થઈ અગણિત વર્ષા બિંદુ ભેટમાં ધરતો આ દરિયો,

મગર, માછલી ને જળચર માટે આશ્રય સ્થાન આ દરિયો,

દુનિયાની ખારાશ પીને મબલખા મોતી આપતો આ દરિયો,

ક્યારેક ગાંડો થઈને ટાઇટેનિકને પણ ગળી જતો આ દરિયો,

પોતાના ખોળે આવનાર નું જીવન ઘડતર કરતો આ દરિયો,

શુષ્ક રેતી ને પણ ભીતરથી ભીનાશ અર્પતો આ દરિયો,

કચરો સાથે લાવતી આ સરિતા પણ

ખારાપણાનું આળ પોતે ઓઢતો આ દરિયો,

સમંદર, દરિયો, રત્નાકર સાગર

એવા અલગ અલગ નામોથી ઓળખાતો આ દરિયો,

દરિયા શ્રેષ્ઠ નામનાં અર્થ છે નસીબદાર, મૈત્રીપૂર્ણ, સક્ષમ, ખુશખુશાલ, આધુનિક

પોતાના નામને સાર્થક કરતો આ દરિયો.