వాస్తు దోషమో లేక..

వలపు రాగాల పల్లకి ఎక్కి

వాకిట నిలిచిన జవ్వనికి

ఆహ్వానం అందించింది చూడచక్కని భవనం

వసంతం వేడుక చేసినట్టు

అద్దాలకు అసూయ పుట్టేట్టు

అందమైన ఆ గృహం ఆనందం నింపుకుంది

తొలి రేయి మలి రేయి ఆపై మూడవ రేయి

ప్రణయ క్రీడల జ్వలించిన తనువులను 

వేకువ గాలి సేదదీర్చినది

అంత బాగా నచ్చిన ఇల్లు

అందరూ మెచ్చిన వాకిళ్ల ఇల్లు

ఆమెకిక నచ్చలేదు

వాస్తు దోషమనో

లేక వయసు దోషమనో

ఆమె చెప్పలేదు

మరెప్పుడూ ఆ ఇంట వసించనూ లేదు