స్పందనే సందేశం !

ఈరోజెంతో చల్లగా బాగుందోయ్ .

ఆ హాయినిచ్చేది తానేనని ఆకాశమందోయ్ .

సూర్యుడు మబ్బుల వెనుక దాగున్నాడు .

వరుణుడు వానికి ఈనాడు సెలవన్నాడు .

ఏడాదికి ఒక్కసారే వచ్చేవి ఋతుపవనాలు .

ఏ నిమిషమైనా ఊరించి మురిపించేవి

మనమధ్య చిగురించే మధురభావాలు .

గాలికి తనువును తాకే చినుకుముత్యాలు .

తలపులతో మనసేమో అల్లరినృత్యాలు .

ఈవేళ బృందావనంలో ఆనందంతో

చిందులు వేయగ రావా ?

పులకింతల జడివానలో తడిసి ముద్దై

ఒకరికొకరం దగ్గరయ్యేందుకు చేసే

చూపుల యుద్ధానికి సన్నద్ధమై రావా ?

పూలను , పండ్లను బహుమతిగా

అక్షరమాలికలను ప్రేమగా

స్వీకరించి తరించ వేగిరమే తరలిరావా ?

చరవాణి సందేశమేల , ప్రియా ?

హృదయమే స్పందనను కలిగించును కదా !