మదనా ! శశివదనా !
మదనా ! శశివదనా !
మదనా ! ఓ శశివదనా !
నా హృదయంలో చేరి సరాగాలే పాడేవా !
పగలు రేయి కళ్ళెదుటే కలలా ఊరించేవా !
ఏనాటి నా ప్రార్థనో మన్నించాడు .
నీలాంటి ప్రియుణ్ణిచ్చి దేవుడు కరుణించాడు .
నీ మాటలకు నా తల్లిదండ్రుల్లో సంతోషం .
మిత్రుల ముఖారవిందాల్లో పరమానందం .
నీ ఎత్తు ఆశ్చర్యంగా ఆరడుగులు .
ఆటలంటే ప్రాణమిచ్చేలా కరకుకండలు .
శ్రావ్యమైన గాత్రమంటే మంచిమనసనే .
కవిగా రమణీయతను ఆస్వాదించగలవనే .
తలవగానే గులాబీతో కనిపించేవు .
పరుగున వచ్చి ప్రశంసలు కురిపించేవు .
నీ ప్రేమకు నాలో నిలువెల్లా పరవశం .
కలసి నడవాలని నా ఊహాల్లో వసంతోత్సవం .
రావా ! నను చేరుకోవా !
నేడే ప్రత్యక్షమై నా ముచ్చట తీర్చిపోవా !
*** # *** # ***