ప్రేమలో ..!

ప్రతి సహజ అనుభూతి అందరిలోలా నాలోనూ .

వెలుగుతో మనిషిలో జాగృతి .

స్పందించే హృదయంతో ప్రేమభావనలకు ఓ ఆకృతి .

ఎవరికివారే బ్రతికితే కాషాయ వస్త్రధారి .

కలసిమెలసి సాగితే ఆనందలోక విహారి .

ప్రియురాలి సాంగత్యంలో మధురమయ జీవనం .

ఆటపాటలతో జీవితమదేననిపించే పయనం .

పలుకులతో ఒకరినొకరు తెలుసుకునే ప్రయత్నం .

అభిమానంతో ఒకరికొకరనే స్నేహం వినూత్నం .

మనసులు కలిసి మరింత దగ్గరై

పెదవులపై నవ్వులపువ్వులు విరబూసే సమయం .

కళ్ళలోని కాంతులతో తొణికసలాడే ఆశల వినిమయం .

పల్లెలోనైనా , నగర జనసమూహ ప్రవాహంలోనైనా

ప్రేమపిలుపులో వర్ణనాతీతమైన ప్రత్యేకత .

చెరవాణిలో , కనిపించి మురిపించే అద్భుతలాలనలో

నా ప్రేయసితో కలకాలం నిలిచే ప్రేమఝరిలో

స్వప్నసుఖాల కలబోత , ఒకరికోసం మరొకరం విజేత .