నేను

నేను విలువిద్యను   

అభ్యసించిన ఆజానుబాహుడను . 

నీకు విహారయాత్రలో   

మంచి రక్షణ కల్పించగలను .

నేను బృందావనంలో   

గోపికల నడుమ విహరించువాడను . 

నీకు మురళీగానంతో   

వీనులవిందు చేయగలను .

నేను ఆంధ్రదేశంలో   

విశ్వవిఖ్యాత కథానాయకుడను . 

నీకు అద్భుత నటనతో   

కళాసేవలో సరిజోడు కాగలను .

 

నేను భారతావనిలో   

ప్రజల అభిమాన నాయకుడను . 

నీకు విదేశీపర్యటనల్లో   

అందచందాలను చూపించగలను .

నేను ప్రపంచస్థాయిలో   

గుర్తింపు పొందిన క్రీడాకారుడను . 

నీకు గొప్ప ప్రదర్శనతో   

పేరుప్రఖ్యాతులను పంచగలను .