నిన్ను చూస్తుంటే ..!

నిన్ను చూడగానే

నా తలపుల్లో ముద్దబంతుల ఆట .

కౌగిట్లో ముద్దులిచ్చే

మురిపాల వలపుపిలుపుల పాట .

ఆ కనులు

అరవిచ్చిన వెన్నెలింటి కలువలు .

ఆధరాలు

ఉసిగొలుపు చిలిపి మందారాలు .

కురులు

జాబిలిని ముసిరే అసురసంధ్య చీకట్లు .

విరులు

సుగంధాలను వెదజల్లుతున్నట్లు .

నీ ఇరుబుగ్గల్లో

నున్నని గులాబిపూల కొమ్మలు .

మొత్తంగా సిగ్గుల్లో

పల్లకీ ఎక్కి విహరించు గుమ్మలు .

ఎల్లవేళలా నీవొక

ఆకర్షణీయమైన చామంతి పూవువు .

నీ గాలి సోకగానే

నేనౌతాను ప్రొద్దుతిరుగుడు పువ్వును !