అందుకో నా ప్రేమకానుక !

ప్రేమ నీవు నాకందించిన బహుమతో ,

ఏర్పడిన బంధంలోని మకరందమో నీతో !

అది కలిగించిన గొప్ప అనుభవం ,

పెంచిన అనంతమైన ఆనందం

నేలపై అలముకున్న హరితవర్ణం ,

నీలాకాశానికి వన్నెతెచ్చే ఆ లేత ఎరుపువర్ణం .

పువ్వులా విరబూసే నీ తీర్చిదిద్దిన అందం

నన్ను రోజంతా మంత్రముగ్థుడను చేస్తే ,

అనురాగం ఉల్లాసంగా నడిపించే ఇంధనం .

సలహాలు నూతన ప్రపంచాన్ని ఆవిష్కరిస్తే ,

ఉత్సాహం నన్ను నన్నుగా చూపే వందనం .

నదిలోని నీటి అలల గలగలల ప్రవాహంలా

ఒకరివల్ల మరొకరిలో కలిగే ఆ ప్రేరణ

జీవితంలో కలసివేసే ప్రతి అడుగులో నిజం .

ప్రేమకు ప్రేమే సమాధానమైనా

పండుగల పరికల్పనలో కానుకల సమర్పణ

మన సంస్కృతిని తెలిపే ధ్వజం .

అందుకో అందుకే ...

నా సంతృప్తికోసం ఓ మధుర చుంబనం 😉 !