అందమైన దారులు

ఎప్పుడూ అద్భుతం మనిషి జీవనం .

విజయసాధనలో ఆ తియ్యదనం .

అరుదుగా కనిపించే మానవనిర్మిత కట్టడం ,

అసాధారణ ప్రతిభను ప్రతిబింబించే జీవితం

చెప్పుకోదగిన ఉదాహరణలు .

అబ్బురపడే సహజ గుణంతో

నిజంచేసి చూపాలనే తపన

ఆ కలిగే ప్రేరణలోని ముఖ్య ఆకర్షణ .

గమనాన్ని గాలికి ఒదిలేసి ,

అది తెగిన గాలిపటమని అనేసి ,

గమ్యానికి సమయానికి

చేరకపోతే వైఫల్యమనే !

తన శక్తిని నమ్ముకుని ,

ఒడిదుడుకులను ఏమైనా తట్టుకుని ,

పట్టుదలతో దూరాలైనా పయనించి

దృక్పథంలో గెలుపును ఆహ్వానిస్తే ,

ఉన్నతశిఖరాలను అలవోకగా అధిరోహిస్తే

తనపని తాను చేశాడనే .

ప్రతిఫలం అనుకోకుండా దక్కిందనే !

అలా ఏర్పడేవే అందమైన పూలదారులు .

భావితరాలకు గొప్పవారథులు !!