చేయెత్తి జైకొట్టు

ప౹౹

తేట తేట తెలుగులో తేటగీతి ఒకటి పాడనా

మాటమాటకి తేనె పలుకొకటి రుచి చూడగా ౹2౹

చ౹౹

చరణాలే చరణ తాండవమాడి తన్మయించా 

కారణాలే తెలుపని మదికలసి అన్వయించా ౹2౹

పద పారిజాతాలే పరవళ్ళై కలిపి ప్రవహించ

ఎద పరిణామాలే ఊహించి తానే ఆవహించ ౹ప౹

చ౹౹

కదలిరావా కనకపు సింహాసనాలే సమకూర్చ 

వదలిరావా వారసత్వపూ నిర్లక్ష్యాన్ని కూల్చ ౹2౹

భావవ్యక్తీకరణ తెలుగులో భాషకు ప్రాభవమే

వైభవ కీర్తులు పూయించిన అదీ అనుభవమే ౹ప౹

చ౹౹

చేయెత్తి జైకొట్టని తెలుగుతనమే ఓడొల్లతనం

పల్లెత్తి మాటనని పాలకులది పనికిరానితనం ౹2౹

నీ వంతు కృషిని నిలుపక సలిపి చూపవోయి

నిలువెత్తు తెలుగునే నిలిపి నిరూపించవోయి ౹ప౹