మనసులేని బొమ్మ

మనసులేనీ బొమ్మవులే నీవు కూడాను

వయసులోని ఉరకలే కనలేదు తేడాను

మనసులేనీ బొమ్మవులే నీవు కూడాను

వయసులోని ఉరకలే కనలేదు తేడాను

ఎంత కఠిన హృదయమో వేరే చెప్పనా

అంత కఠోరమే ఆ భావం ఇక తప్పునా

మనసులేని మనిషివని నిరూపించావు

అలుసు చేసి ఆ కథలను నడిపించావు

అద్దమంటి మదిని అలా పగలగొట్టావు

వద్దామంటే వలపులన్నీ తగలబెట్టావు

కలసిరాని కాలంలో కలలు కూడ రావు

అలసిపోని ఆశలు అసలు వదలి పోవు

మనసులేనీ బొమ్మవులే నీవు కూడాను

వయసులోని ఉరకలే కనలేదు తేడాను

ఎంత కఠిన హృదయమో వేరే చెప్పనా

అంత కఠోరమే ఆ భావం ఇక తప్పునా

చరిత్రలో ఇలాటి కథలెన్నో వినేందుకు

ధరిత్రికి కొత్తకాదే వ్యధలన్నీ కనేందుకు

కలియని దారులలోనే మన పయనం

తెలియని తీరులలోనే ఇక ఆ గమనం

కలియని దారులలోనే మన పయనం

తెలియని తీరులలోనే ఇక ఆ గమనం

మనసులేనీ బొమ్మవులే నీవు కూడాను

వయసులోని ఉరకలే కనలేదు తేడాను

ఆ తేడాను....తేడాను