కలలకేమి తెలుసులే…
కలలకేమి తెలుసులే…
కలలకేమి తెలుసులే కాంతామణి హొయలు
అలలకేమి తెలియదులే అధరాల బరువులు
మనసులో కోరికలే మయూరపు విన్యాసాలు
ధనుసులో బాణంలా దరిచేరే ప్రియ హాసాలు
రాగమై అనురాగమై చెలి చెల రేగే చేరిపోయి
వేగమే ప్రణయమై మెరిసి ఎదలో జారిపోయి
కలలకేమి తెలుసులే కాంతామణి హొయలు
అలలకేమి తెలియదులే అధరాల బరువులు
ఇక...
కాలమే ఆగిపోనీ కడలి అంచులూ చేరేవరకు
కలమై సాగిపోనీ కవితలై విరియ పూచేవరకు
జ్ఞాపకాలగ మిగిలిపోనీ పదిలమై నిలిచేవరకు
వ్యాపకాలగ రగిలిపోని మరువక తలిచేవరకు
కోమలి చేసే విందులూ కోటి వరుసలుగా సాగే
జమిలి ప్రేమకు జన్మధన్యమై జాజులై కొనసాగే
కలలకేమి తెలుసులే ఆ కాంతామణి హొయలు
అలలకేమి తెలియదులే ఆ అధరాల బరువులు