వీచే గాలికి తెలుసు
వీచే గాలికి తెలుసు
వీచే గాలికి తెలుసూ వీడని వలపు సుగంధం
చూచే కనులకు తెలియదా కలిసున్న బంధం
కలిసిపోయే హృదయాలకు కాలం తెలియదే
అలసిపోని ఆశయం తీరం చేరికకే అలియదే
ఎడద ఊసులూ ఏడు అడుగులతోనే ధన్యం
బెడద లేని ప్రేమే తొలగించు ఎదలోని దైన్యం
వీచే గాలికి తెలుసూ వీడని వలపు సుగంధం
చూచే కనులకు తెలియదా కలిసున్న బంధం
పలుకనేర్చిన భావము పరిణితి చెందిపోయి
కులుకు కూర్పుల మదిలోన దాచింది హాయి
ఏ సూత్రం రాసిపెట్టి ఉండదు ఎంత ప్రేమకైన
ఆ మంత్రం తెలుసూ ప్రేమికునికైన భామకైన
మరచిపోని జ్ఞాపకాలై మిగిలేది మధుర ప్రేమ
అరచి చెప్పలేని అమృతం అసలయిన ప్రేమ
అలవోకగా చిలికి చినుకులయే సుధా రసమే
కల వాకిలిగ కన్నుల్లో కురిసే మధుర హాసమే
వీచే గాలికి తెలుసూ వీడని వలపు సుగంధం
చూచే కనులకు తెలియదా కలిసున్న బంధం
కలిసిపోయే హృదయాలకు కాలం తెలియదే
అలసిపోని ఆశయం తీరం చేరికకే అలియదే