తొలిసారి

ప౹౹

తొలిసారి చూసాక తెరలేపే ఆ తెమ్మెర

ఈలేసి ఎగిరే మనసు చిటారు కొమ్మన|2|

చ||

కలబోసినా కవ్వింతే కళ్ళతో ఆ చూపే

విరగపూసిన విరజాజే మేనుతో రూపే|2|

మునిమాపే తెలియకపోయే చూసికాచి

మునిజనులైనమూర్చపోదురే వేచిరోసి|ప|

చ||

వేసవంత చలితో వణికిలే ఆ చేయి తాకి

కౌగలింతలో తనువంతా కరిగే ఎకా ఎకి|2|

నవ్వితే నవరత్నాలే చిన్నబోయే సిగ్గుతో

తృళ్ళితే తూనీగా మూగ పోయే ఎగ్గుతో|ప

|

చ||

ఎంత కాదన్నను ఆ అందమే అరవిందం

చెంతచేరి చెలిమినే చెప్ప ఎంత వంద్యం|2|

వెన్నలా వెన్నెలలా ఆ మనసు తెల్లదనం

ఆ ప్రేమచూపులే కలలో సైతం కమ్మదనం ౹ప|